Dvostruki ubica Alija Balijagić (64), jutros je, sudeći po svemu, lociran u Orahovici, nedaleko od Bijelog Polja, pišu Novosti.
Selo su opkolile jake snage pripadnika policije i Vojske Crne Gore naoružane dugim cijevima.
Blokirani su svi putevi, u vazduhu su dronovi i helihopter.
U osnovnim školama u Sutivanu i Kanjama prekinuta je nastava.
Viši sud u Bijelom Polju izdao je naredbu za raspisivanje međunarodne potjernice za Alijom Balijagićem, koji je u petak oko 21 sat u Sokolcu kod Tomaševa, opštini Bijelo Polje ubio brata i sestru Јovana (60) i Milenku Madžgalj (69) u njihovoj kući iz čista mira, nekoliko sati nakon što su ga njih dvoje ugostili i poslužili ručkom i pićem. Balijagić je u zatvoru do sada proveo 32 godine.
