Ukrajinski predsjednik Volodimir Zelenski dao je prvi intervju nakon pobjede Donalda Trampa na američkim predsjedničkim izborima. U intervjuu za “Skaj Njuz” je sugerisao da je spreman za kraj rata s Rusijom u zamjenu za članstvo u NATO, čak i ako Rusija odmah ne vrati ukrajinske teritorije koje je okupirala.
Zelenski je je sugerisao da bi se sporazum o prekidu vatre mogao postići ako bi ukrajinski teritorij koji pod kontrolom Kijeva mogao staviti “pod kišobran NATO”, što bi mu omogućilo da kasnije pregovara o povratku ostatka teritorije “diplomatskim putem”.
Novinar “Skaj Njuza” Stjuart Remzi je, naime, zamolio Zelenskog da komentariše medijske izvještaje u kojima se navodi da bi jedan od planova novoizabranog američkog predsjednika Donalda Trampa za okončanje rata mogao biti da Kijev ustupi Rusiji teritoriju koju je ruska vojska zauzela u zamjenu za ulazak Ukrajine u NATO.
Zelenski je na to rekao da bi se članstvo u NATO moralo ponuditi “neokupiranim dijelovima zemlje” kako bi se okončala “vruća faza rata”, sve dok sama pozivnica za NATO priznaje međunarodno priznate granice Ukrajine.
“Moramo to učiniti brzo”
Činilo se da prihvata da će istočni dijelovi zemlje za sada biti izvan takvog dogovora, navodi “Skaj Njuz”.
“Ako želimo zaustaviti vruću fazu rata, moramo pod kišobran NATO uzeti teritoriju Ukrajine koju imamo pod našom kontrolom”, rekao je.
“Moramo to učiniti brzo. A što se tiče okupiranog dijela zemlje, Ukrajina ih potom može vratiti diplomatskim putem”, ustvrdio je Zelenski.
Ukrainian president @ZelenskyyUa told @ramsaysky NATO membership would have to be offered to unoccupied parts of the country to end the "hot phase of the war", as long as the NATO invitation itself recognises Ukraine's internationally recognised borders.https://t.co/yqZZ8aFrwm pic.twitter.com/NuburSX6hw
— Sky News (@SkyNews) November 29, 2024
